பிரியாணி: உணவுக்குமீறிய ஒரு உணர்வு

துக்கமோ, துயரமோ, இன்பமோ, துன்பமோ—"முதலில் சாப்பிடுவோம், பிறகு பார்ப்போம்" என்ற மனநிலை மக்கள் மத்தியில் பரவலாக உயர்ந்துள்ளது. இதற்குள் பிரியாணி எனும் உணவானது உணர்ச்சியாகவும், கலாச்சாரமாகவும் மாறிவிட்டது. இதனால் பல புதிய பிராண்டுகள் பிரியாணியை மையமாகக் கொண்டு தோன்றுகின்றன. சமூக வலைதளங்களின் தாக்கமும் விதவிதமான பிரியாணி வகைகளை யூடியூபர்கள் விளம்பரப்படுத்துவதும் இளைஞர்களை இவற்றின் பின்னால் ஓடச் செய்யும் முக்கிய காரணங்களாக அமைந்துள்ளன.

ஒரு ஆய்வின் படி, தமிழகத்தில் வருடத்திற்கு பிரியாணி விற்பனையே ரூ.10,000 கோடிக்கு மேல் இருக்கும் என்ற தகவல் அனைவரையும் அதிர வைத்தது. குறிப்பாக, தலைநகர் சென்னை தான் தமிழகத்தின் பிரியாணி வர்த்தகத்தின் முதன்மையான மையமாக விளங்குகிறது.

சென்னையின் பிரியாணி வர்த்தகம் மாநில மொத்த விற்பனையின் 50% பங்கினை தனியாக வழங்குவது ஆச்சரியமானது.

இவ்வாறு தமிழகத்தில் பிரியாணி மட்டுமே ரூ.10,000 கோடி வணிகத்தைத் தொட்டுவிடுவது உணவின் மீதான காதலும், கலாச்சாரச் செயல்பாடுகளும் ஒன்றாக இணைந்துள்ளதற்கான சான்றாகும்.